Хабарингиз бор, Арманистон пойтахти Ереван шаҳрида жорий йилнинг 13-19 апрель кунлари хоккей бўйича жаҳон чемпионати IV дивизиони ўйинлари бўлиб ўтади. Унда Ўзбекистон, Арманистон, Эрон, Кувайт, Малайзия ва Индонезия терма жамоалари иштирок этади.

Мусобақа расмий тимсолини аниқлаш учун ўтказилган танловда эксперт ҳакамлар ҳайъати Элла Аматуни томонидан чизилган «Арман Гампр» маскотини ёқлаб овоз берди. Шу тариқа, ўзининг кучи, чидамлилиги ва чаққонлиги билан машҳур бўлган қўриқчи ит зоти «Арман Гампр» яқинлашиб келаётган хоккей чемпионатининг рамзига айланди.

Маълумот ўрнида: Ўзбекистон миллий терма жамоаси учун мазкур жаҳон чемпионати дебют ҳисобланади.  

Жавоҳир Тошхўжаев,

ЎзА