Тошкент шаҳар ҳокимлигида «edo.ijro.uz» тизимида иш юритиш ва ишни самарали ташкил этиш бўйича “UNICON-SOFT” мутахассислари билан ўқув-семинари бўлиб ўтди.

Семинарда «edo.ijro.uz» электрон тизимидан фойдаланишнинг техник ва ташкилий таъминоти ва имкониятлари ҳақида батафсил маълумот берилди. Шунингдек, электрон тизим фаолиятини самарали ташкил этишда Адлия вазирлиги ҳамда бошқа вазирлик ва идораларнинг ўзаро ҳамкорлигининг амалий жиҳатлари муҳокама қилинди.

Семинар давомида «edo.ijro.uz» тизимидан самарали фойдаланишни таъминлашда Ҳисоб палатасининг ҳам алоҳида ўрни борлиги таъкидланди. Ушбу тизимнинг жорий этилиши ҳужжат айланиши жараёнларини автоматлаштириш ва иш самарадорлигини оширишга хизмат қилади.

Тадбирда қайд этилганидек, ушбу семинар Тошкент шаҳар ҳокимлиги ходимлари учун фойдали бўлди ва келгусида иш жараёнларини янада самарали ташкил этишга ёрдам беради.

Гулноза Бобоева, ЎзА