Хитой Ташқи ишлар вазирлиги сайтида эълон қилинган баёнотда айтилишича, АҚШ Осиё-Тинч океани минтақасида кескинлик келтириб чиқармоқда, ҳудудни портлайдиган “мина уяси”га айлантирмоқда.

Маҳкама Қўшма Штатлар мудофаа вазири Пит Хегсетнинг Сингапурдаги Шангри-Ла мулоқоти хавфсизлик форумидаги нутқига изоҳ бераркан, шундай деди:

– Аслида АҚШ ҳақиқий гегемон давлат, шунингдек Осиё-Тинч океани минтақасидаги тинчлик ва барқарорликка путур етказувчи асосий

омил. Вашингтон ўз устунлигини сақлаб қолиш учун “Ҳинд-Тинч океани” стратегиясини илгари сурмоқда, Жанубий Хитой денгизида ҳужумкор қуроллар жойлаштирмоқда. Бу эса минтақа мамлакатларида чуқур хавотир уйғотмоқда.

Шунингдек, ҳужжатда Қўшма Штатларнинг “Хитой таҳдиди назарияси”ни бўрттириб кўрсатиши танқид остига олинган. Вашингтон эзгу саъй-ҳаракатларни чинакам ҳурмат қилиш, минтақадаги осойишта муҳитни атайлаб бузиш орқали кескинликни кучайтиришни бас қилиш, можаро ва қарама-қаршиликни

бўрттириб кўрсатишни тўхтатишга чақирилган.