Пойтахтимизнинг Шайхонтоҳур туманида “Беш ташаббус олимпиадаси“ дастуридан ўрин олган гандбол бўйича 17-30 ёш тоифасида эркаклар ҳамда аёллар жамоалари ўртасида сектор босқичи баҳслари кўтаринки руҳда ўтди.

Маҳоратли ёш спортчиларни танлаш, аҳолини оммавий спорт машғулотлари билан қамраб олишга қаратилган мусобақалар давомида Янги Камолон, Янгиобод, Чархновза, Олим Хўжаев, Каттабоғ, Сузукота, Катта Оқтепа, Эшонгузар, Гулобод, Самарқанд дарвоза, Камолон дарвоза, Чорсу, Зангиота маҳаллалари ёшлари ғолиблик учун кураш олиб борди.

Қизғин ва муросасиз баҳслар натижасига кўра, Гулобод маҳалласи гандболчи йигит-қизлари ғолибликка эришиб, кейинги босқич йўлланмасини қўлга киритди.

Т.Рўзиев, ЎзА