Сирдарё вилояти Гулистон шаҳрида “Ёшлар ойлиги” доирасида “Билим ва тафаккуримиз – шу эл учун, шу юрт учун!” шиори остида ҳарбий-ватанпарварлик фестивали бўлиб ўтди.

Фестиваль ҳарбийлаштирилган тузилмаларда хизмат қилаётган ёшлар, Ўзбекистон Республикаси мудофаасига кўмаклашувчи “Ватанпарвар” ташкилоти ўқув ва спорт техникалари, ҳарбий оркестрдан иборат “Ватанпарварлик карвони”нинг Ислом Каримов ҳамда Алишер Навоий кўчалари бўйлаб паради билан бошланди. Истироҳат боғида Мудофаа вазирлиги қошидаги ҳарбий оркестр она Ватанни мадҳ этувчи куй ва қўшиқлари билан фестивалга кўтаринкилик бағишлаган бўлса, замонавий ҳарбий техника ва қуроллар кўргазмаси, шунингдек, фахрий қоровул взводининг кўргазмали чиқишлари ҳамда қўл жанги санъатидан намуналар иштирокчиларда катта тааccурот қолдирди.

[gallery-12273]

Шаҳриёр ОРТИҚБОЕВ (сурат), ЎзА