Греция бу йил ўрмон ёнғинлари мавсумининг энг оғир кунларини бошдан кечирмоқда, деб хабар бермоқда “Al Jazeera” нашри.
Таъкидланишича, давомли кучли шамоллар ва жазирама ўлканинг сайёҳлик ҳудуди ва оролларида вазиятни ёмонлаштирган. Бу ҳолат сўнгги кунларда эвакуация ва қутқарув операцияларини амалга оширишга мажбур қилмоқда.
Греция Ўт ўчирувчилар ассоциацияси раҳбари Костас Цингас чоршанба куни “ERT News” телеканалига берган интервюсида мамлакат бўйлаб бир кун аввал 82 та янги ёнғин қайд этилганини ва бу рақам “жуда юқори” эканлигини таъкидлади.
Вазият айниқса, ғарбий Пелопоннес яриморолидаги Патра шаҳри яқинида хавфли бўлиб, у ерда иккита йирик ёнғин содир бўлган. Шунингдек, ёнғинлар Превеза, Закинтос ва Хиос оролларида ҳам давом этмоқда.
Айниқса, Хиос ва Закинтос сайёҳлик оролларида алангани ўчириш учун бугун тонгдан бошлаб 33 самолёт ёрдамида 5 мингга яқин ўт ўчирувчилар сафарбар этилган.
Ў.Алимов, ЎзА