Президентимизнинг “Ногиронлиги бўлган шахсларни спортга жалб этиш орқали жисмоний реабилитация қилиш тизимини такомиллаштириш бўйича қўшимча чора-тадбирлар тўғрисида”ги қарори ижроси юзасидан “Беш ташаббус паралимпиадаси”нинг Бухоро вилояти Олот туман босқичи ўтказилди.

Олот тумани Спорт мактаби, Ёшлар ишлари агентлиги туман бўлими ҳамда “Инсон” ижтимоий хизматлар маркази ҳамкорлигида ўтказилган “Беш ташаббус паралимпиадаси”да ногиронлиги бўлган шахслар 5tashabbus.uz платформаси орқали рўйхатдан ўтган ҳолда иштирок этди.

[gallery-23029]

Иштирокчилар “Беш ташаббус” спорт турларининг Пара енгил атлетика (қўл ампутацияси 100 метргача), Пара енгил атлетика (қўл ампутацияси турган жойдан узунликка сакраш), енгил атлетика кар ва заиф эшитувчилар учун 100 метргача, енгил атлетика кар ва заиф эшитувчилар турган жойдан узунликка сакраш, Пара армрестлинг кар ва заиф эшитувчилар учун, Пара армрестлинг аравачада ҳамда бошқа спорт турлари бўйича муносиб қатнашди.

“Беш ташаббус паралимпиадаси”нинг туман босқичида ғолибликни қўлга киритган ногиронлиги бўлган шахслар туман ҳокимлиги ва “Инсон” ижтимоий хизматлар маркази томонидан диплом ва совғалар билан тақдирланиб вилоят босқичига йўлланмани қўлга киритди.

Зариф Комилов, ЎзА мухбири.