Айни пайт Германия қурол экспортининг қарийб тўртдан бир қисми Киевни қўллаб-қувватлашга сарфланмоқда. “Handelsblatt” газетаси Стокгольм халқаро тинчлик тадқиқотлари институти (SIPRI) ҳисоботига таяниб ёзишича, ГФР сўнгги йилларда жаҳон бозорига қурол етказиб беришни кўпайтирди ва саноат етакчилари орасидаги мавқеини мустаҳкамлади.

Ҳужжатда 2021-2025 йиллари йирик қурол етказиб берувчилар бешлигидан Хитой, АҚШ, Россия ва Франция ҳам ўрин олгани келтирилган.

- Германия  тўртинчи йирик қурол экспортчисига айланиб, бу борада Хитойни қувиб ўтди, - дейилган ҳисоботда. - Мамлакатда мазкур соҳа экспортининг қарийб 25 фоизи Украинани қўллаб-қувватлашга сарфланмоқда.

Шунингдек, ГФР Исроил ва Мисрга ҳарбий аслаҳа етказиб беришни 17 фоиз оширгани ҳақида ҳам хабарлар тарқалган.

Февраль ойида Германия ташқи ишлар вазири Йоханн Вадефуль Берлин Украинанинг энг йирик ҳомийсига айлангани, 2022 йилдан бери фақат ҳарбий эҳтиёж учун 55 миллиард евро ажратганини эълон қилган эди.

С.Раҳимов, ЎзА