Германия иқтисодиёт вазири Катерина Рейхе айтишича, АҚШ тарифи кўҳна қитъа экспорт компанияларига сезиларли таъсир қилгани боис, Европа Иттифоқи ва АҚШ савдо можаросига имкон қадар тезроқ “прагматик” ечим топиши керак.
Президент Дональд Трамп шанба куни АҚШ 1 августдан бошлаб Европа Иттифоқи мамлакатларидан кириб келадиган товарларга 30 фоиз солиқ жорий этиши, илгари киритилган тармоқ божи ҳам кучида қолишини маълум қилди.
“Bild” газетаси Рейхенинг фикридан қуйидаги иқтибосни келтирган: -Қолган вақт ичида ЕИ можаронинг асосий нуқтасига йўналтирилган ечим бўйича АҚШ билан прагматик тарзда келишиб олиши керак. Биз бу йўналишдаги комиссияни қўллаб-қувватлаймиз. Тариф Европа ва айни пайт Атлантика океани нариги томонидаги иқтисодиёт ва истеъмолчиларга ҳам кучли таъсир кўрсатади. Музокаранинг прагматик натижасига тезроқ эришиш керак.
Аввалроқ Еврокомиссия раҳбари Урсула фон дер Ляйен АҚШ томонидан ЕИга нисбатан янги бож сиёсати жорий этилиши асносида 1 августгача савдо битими тузиш ниятидалигини билдирганди.
С.Раҳимов, ЎзА