Жаҳон маданий ва табиий меросини муҳофаза қилиш тўғрисидаги Конвенцияга аъзо давлатлар Ўзбекистон Маданият ва санъатни ривожлантириш жамғармаси раиси, ЮНЕСКО ишлари бўйича Миллий комиссия раҳбари Гаянэ Умеровани мазкур нуфузли тузилма Бош Ассамблеяси 25-сессиясининг раиси этиб сайлади.

Ушбу қарор ўзбекистонлик мутахассиснинг дунё бўйлаб маданий мерос ва замонавий санъатни тарғиб этиш ишига қўшаётган салмоқли ҳиссаси, шунингдек халқимизнинг бой тарихини асраб-авайлаш ва оммалаштиришга йўналтирилган ташаббуслари эътирофидир.

Умуман, Самарқандда ўтаётган ЮНЕСКО Бош конференцияси 43-сессияси Ўзбекистоннинг халқаро маданий ҳамкорликни мустаҳкамлаш орқали соҳани ривожлантиришга қаратилган глобал ташаббусларни амалга оширишда кучайиб бораётган роли рамзига айланди.      

А.Алимова, ЎзА