Хабарингиз бор, Саудия Арабистонида футбол бўйича U17 ёш тоифасида ўтказилаётган Осиё кубогининг гуруҳ босқичида Ўзбекистон терма жамоасининг чорак финалдаги рақиби аниқ бўлди.

Гап шундаки, “А” гуруҳида биринчи ўринни эгаллаган футболчиларимиз чорак финалда “B” гуруҳида иккинчи ўринни эгаллаган БАА термаси билан рақобатлашадиган бўлди. Гуруҳимизда иккинчи поғонадан жой олган Саудия Арабистони эса Японияга қарши ярим финал йўлланмаси учун ўйнайди.

Мазкур учрашувлар 13 апрель куни бўлиб ўтади.

Шунингдек, “C” гуруҳида ҳам сўнгги тур натижаларига кўра, навбатдаги босқичга йўл олган терма жамоалар номи аниқ бўлди. Унга кўра, Индонезия ва Жанубий Корея 1-2-ўриндан жой олиб 1/4 финалга чиқди. Ушбу жамоаларнинг рақиблари бугун “D” гуруҳида ўтказиладиган 3-тур учрашувларидан сўнг аниқ бўлади. Унда Тожикистон – Эрон, Ўмон – КХДР билан рақобатлашади.

Дарвоқе, гуруҳ босқичида 1-2-ўринларни эгаллаган жамоалар чорак финал билан бир қаторда жорий йилнинг ноябрь ойида Қатарда ўтадиган жаҳон чемпионатига ҳам йўлланмани қўлга киритади.

Жавоҳир Тошхўжаев, ЎзА