Футбол: 2031 йилги Осиё кубогини ўтказишга даъвогарлар сони 7 тага етди
Осиё футбол конфедерацияси 2031 йилги Осиё кубоги мезбонлиги учун номзодларнинг янгиланган рўйхатини эълон қилди.
Унга кўра, Ҳиндистон футбол федерацияси ҳам турнир мезбонлиги учун ариза топширди.
Қитъанинг энг нуфузли турнирини қабул қилиш учун аввалроқ Индонезия, Қувайт, Бирлашган Араб Амирликлари, Австралия ҳамда Ўзбекистон, Тожикистон ва Қирғизистон давлатлари қўшма даъвогар сифатида тақдим этилганди. Энди улар қаторига Ҳиндистон ҳам қўшилди.
Малайзиянинг Куала-Лумпур шаҳрида Осиё футбол конфедерациясининг 35-Конгресси олдидан ўтган йиғилишда ОФК президенти Шайх Салмон бин Иброҳим Ал Халифа 2031 йилги Осиё кубогига мезбонлик қилиш учун еттита номзоддан ариза келиб тушганини таъкидлади.
Т.Рўзиев, ЎзА