Франция йирик авиаташувчи кема ишлаб чиқармоқчи
Франция президенти Эммануэль Макрон эскирган “Sharl de Goll” кемасини алмаштириш учун янги авиаташувчи кема яратиш режасини эълон қилди.
“Reuters” ахборот агентлиги хабар беришича, “PANG” номи билан танилган дастур тахминан 10,25 миллиард еврога тушади.
Янги авиаташувчи учун ядровий ҳаракатлантирувчи компонентлар устида ишлар ўтган йили бошланган. Қурилиш бўйича якуний буюртма 2025 йил охирига қадар берилиши кутилмоқда.
Таъкидланишича, “PANG” Европада қурилган энг йирик ҳарбий кема бўлиши кутилмоқда. Авиаташувчи 2038 йилда фойдаланишга топширилиши режалаштирилган.
С.Раҳимов, ЎзА