Қорақалпоғистон Республикаси божхона бошқармасининг “Довут-ота” чегара божхона пости ходимлари томонидан давлат бюджетига ундириладиган қўшимча божхона тўловларидан бўйин товлаш мақсадида товарларни бошқа бир товар номи остида божхона назоратидан яширин тарзда олиб ўтишга уриниш ҳолатлари фош этилди.

“Довут-ота” чегара божхона постига кириб келган юк автотранспорт воситаси божхона назоратидан ўтказилганида мавжуд товарларнинг барчаси ҳужжатларда кўрсатилганидек, ҳар бири 25 кг бўлган қопларга жойлаштирилган “майдаланган кашнич” товари эмас экан. Мазкур товарлар орасида ҳудди шундай қопларга жойланган ва божхона назоратидан  ҳуфиёна яширилган 244 қопда жами оғирлиги 7 минг 76 кг оқ каррак уруғи борлиги аниқланди.

Ҳудди шундай яна бир ҳолатда, мазкур постга кириб келган юк автотранпсорт воситасида ҳам товарлардан 242 қопи бошқа хилдаги товарга “алмашиб” қолганлиги ҳолати фош этилди. “Зиғир уруғи” товари орасига 11,1 тонна оғирликдаги қуритилган нўхотни  хуфиёна яшириб, мамлакатимиз ҳудудига олиб кирилмоқчи бўлишганида тўхтатиб қолинди.  

Аниқланган мазкур икки ҳолатда қарийб 397 миллион сўмлик товар вақтинча сақловга олинди.  

Мазкур ҳолат юзасидан божхона органлари томонидан терговга қадар текширув ҳаракатлари давом эттирилмоқда.  

<iframe width="560" height="315" src="https://www.youtube.com/embed/646R3pFNoWk?si=XhaiAEKlmd80dFXR" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Довуд Абибуллаев,

ЎзА мухбири