ФОТОРЕПОРТАЖ

Қорақалпоғистон Республикаси Элликқалъа туманидаги “Қилчиноқ” овул фуқаролар йиғинида жойлашган “Bahodir Chorvasi” наслчилик фермер хўжалигида хориждан олиб келинган қарийб 150 бош зотдор қорамол парваришланади. Шундан 40 бош сигирдан кунига 650-700 литр сут олинмоқда.

Хўжалик аъзолари наслли чорва моллари сонини кўпайтириш орқали аҳолини арзон ва сифатли гўшт ва сут маҳсулотларига бўлган эҳтиёжини таъминлаш учун ҳаракат қилмоқда. Ўтган йил қорамолларни куз ва қиш ойларидан беталафот олиб чиқиш мақсадида олдиндан 800 тонна силос озуқа базаси учун тайёрланди.  

[gallery-22773]

Ҳозирда хўжаликда 20 га яқин кишининг бандлиги таъминланган.

Жорий йил якунига қадар хўжалик қошида сутни қайта ишлаш цехи ташкил этилиши режалаштирилган.

Мақсад ҲАБИБУЛЛАЕВ (сурат), ЎзА