Фарғонада ўтаётган халқаро турнир қизғин паллада
Фарғона шаҳрида Халқаро теннис федерацияси томонидан ўсмирлар ўртасида J60 таснифига кирувчи нуфузли мусобақада чорак финал иштирокчилари аниқланди.
Турнирнинг иккинчи даврасида ҳамюртимиз Абдураҳмон Каримов қозоғистонлик Родион Лукашовни 6:2, 6:4 ҳисобида таслим қилди ва ярим финал остонасида бошқа бир қозоғистонлик теннисчи Арсений Требукин билан рақобатлашадиган бўлди.
Қизлар ўртасидаги баҳсларда вакилимиз Злата Чиннова нейтрал теннисчи Алиса Кодзебашни 4:6, 7:5, 6:2 ҳисобида мағлуб этди. Энди Злата 1/4 финалда нейтрал теннисчи Анастасия Лепская билан куч синашади.
Афсуски, чорак финалга йўл олган ҳамюртимиз Нигина Алимов кутилмаганда мағлубиятга учради ва мусобақа билан хайрлашди.
Жавоҳир Тошхўжаев, ЎзА