Рамазон ҳайити муносабати билан “Маҳалла” хайрия жамоат фонди Қашқадарё вилоят бўлими томонидан бир гуруҳ ижтимоий ҳимояга муҳтож, ногиронлиги бор фуқаролар ҳолидан хабар олинди. Уларга реабилитация воситалари ва озиқ-овқат маҳсулотлари тарқатилди.

Қарши шаҳар “Насаф” маҳалласида яшовчи 1-гуруҳ ногирони Тоҳир Абдураҳимов анчадан буён юра олмай қолгани учун ногиронлик аравачасига эҳтиёж сезарди. Унга замонавий ногиронлик аравачаси ҳадя қилинди. Шунингдек, шу куннинг ўзида 10 нафар ижтимоий ҳимояга муҳтож фуқарога озиқ-овқат маҳсулотлари етказиб берилди. 

Бундай эътибор ва ғамхўрликдан кўнгиллари тоғдек кўтарилган ўксик қалблар қўлларини дуога очиб шукроналик келтирди. 

Бу каби савобли амаллар вилоятнинг бошқа туманларида ҳам давом этмоқда.

Ўлмас Баротов, ЎзА мухбири