“Kaskadyorlik muvaffaqiyati” mukofoti 2028 yil ilk sohibiga topshiriladi. Demak 2027 yildan boshlab suratga olinadigan filmlarda kaskadyorlik qilgan yoki ayni yo‘nalish dizayni ustida ish olib borganlar alohida taqdirlanadi.

Akademiya bosh direktori Bill Kramer va prezidenti Janet Yang qo‘shma bayonotida shunday deyilgan:

– Kino tarixining dastlabki kunlaridan boshlab kaskadyorlik ijodning ajralmas qismi bo‘lib kelgan. Biz ushbu texnik va ijodiy vakillarning innovatsion ishini hurmat qilishdan faxrlanamiz. Ularni muhim natijaga erishish yo‘lidagi sadoqati va fidoyiligini qadrlaymiz.