Бугунги кунда Ўзбекистонда 157 та миллий маданий марказ фаолият юритиб, уларнинг маданий меросини асраш ва ривожлантиришга алоҳида эътибор қаратилмоқда.

Турли миллат вакиллари иштирокида ўтказилаётган тадбирлар эса жамиятда бағрикенглик, тотувлик ва ҳамжиҳатликни мустаҳкамлашга хизмат қилмоқда.

Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитаси қошидаги миллий маданий марказлар павильонида Тошкент шаҳар ҳокимлиги билан ҳамкорликда “Янги Ўзбекистонда Янги йил руҳияти ва мўъжизаси” шиори остида байрам тадбири ташкил этилди.

Расмий очилиш маросимида Қўмита раиси Қаҳрамон Сариев сўзга чиқиб, иштирокчиларни кириб келаётган 2026 йил билан қутлади. Шунингдек, Туркман миллий маданий маркази раиси Гулдана Авездурдиева, Рус миллий маданий маркази раиси Сергей Миронов ва Қозоқ миллий маданий маркази раиси Серекбай Усенов табрик сўзлари билан иштирок этди.

Тадбир давомида меҳмонлар миллий маданий марказларнинг Янги йил кўргазмалари билан танишиб, миллий либослар, амалий санъат намуналари ва анъанавий таомларни томоша қилдилар. Байрамнинг бадиий қисмида санъат усталари ва ижодий жамоалар иштирокида концерт дастури намойиш этилди.

<iframe width="650" height="420" src="https://www.youtube.com/embed/olHV7zo9GLM" title="Do‘stlik pavilonida Yangi yil shukuhi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нигора Раҳмонова, Ойбек Давронов (видео), Улуғбек Тўхтаев (монтаж), ЎзА