Ҳиндистоннинг Деҳли шаҳридаги бир неча мактаб 3 кун ичида бомба портлаши билан таҳдид қилинган аноним мактуб олди.

Электрон почта хабарида портловчи модда қора елим қопга жойлангани, "бирор жон омон қолмаслиги" таъкидланган.

Шундай таҳдид 10 марта такрорлангандан сўнг полиция нома шифрланган тармоқ орқали юборилганини аниқлади. Айни ҳолат гумондорларни кузатишни қийинлаштирган.

“Hindustan Times” ёзишича, Деҳли полицияси билан ишлаган кибер мутахассислар жўнатувчи виртуал хусусий тармоқ (VPN) ва махфий интернет тармоғидан фойдаланганини аниқлаган.

– Махфий тармоқда кимнидир кузатиш кўзгуга тўла хонада сояни қувишга ўхшайди. Сиз бир йўлни топдим, деб ўйлаганингизда, объект бошқа аноним қатлам ортида йўқолади, – дейди Деҳли полицияси ходими.

"Махфий тўр" интернетнинг анъанавий қидирув тизимида кўринадиган ва фақат махсус браузер орқали кириш мумкин бўлган қисмини англатади.

VPN фойдаланувчининг ноёб ва кузатиш имкони бўлган IP-манзилини ғилофлаш орқали номаълум қатлам қўшади, баъзида онлайн фаолиятни халқаро сервер орқали йўналтиради.

Ҳозиргача 10 мактабга таҳдид қилинган.

Дастлаб таҳдид сохталигини айтса-да, полиция топиш ва хабар бериш учун хавфсизлик протоколига амал қилмоқда.

Одамлар энди таҳдид ёлғонлигига ишонмайди, чунки сўнгги электрон почта хабари ўтган йил февраль ва октябрь ойларидагига жуда ўхшаш. Яъни, ноаниқ ва хавотирли тилда ёзилиб, мактаб ёки коллежда ўқиш бошланишидан олдин манзилга юборилади.

М.Пирматова, ЎзА