OpenAI сунъий интеллект компанияси Ўзбекистонда электрон хизматлар етказиб берувчи сифатида рўйхатдан ўтди, бу ҳақдаги маълумотлар Давлат Солиқ Қўмитаси сайтида пайдо бўлди. Энди Chat GPT ишлаб чиқувчиси республика бюджетига қўшилган қиймат солиғини (ҚҚС) тўлайди ва Ўзбекистон ҳудудида расмий равишда хизматлар кўрсатади. 2023 йил охирида компания Ўзбекистон фойдаланувчилари учун рўйхатдан ўтишни очди ва ўзбек банк карталаридан тўловларни қабул қилишни бошлади.

2020 йилда хорижий электрон платформаларга Ўзбекистонда солиқ ҳисобига туриш мажбурияти юклатилган эди. Шундан бери Google, Amazon ва бошқа кўплаб компаниялар рақамли хизматлар етказиб берувчилар рўйхатига киритилди. 

2025 йил январь ойида Ebay ҳам республикада рўйхатдан ўтди.

<iframe width="650" height="420" src="https://www.youtube.com/embed/JMu6gR7UzvE" title="Chat GPT Oʻzbekistonda soliq toʻlaydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Улуғбек Тўхтаев, ЎзА