Абдумумин Абдугопирович ЮЛДАШОВ доцент юридик фанлар бўйича (PhD) фалсафа доктори Тошкент давлат юридик университети Тошкент, Ўзбекистон
Аннотация
Ушбу мақолада интеллектуал мулк, алоқа ва ахборот соҳасидаги қонун ҳужжатларида муаллифлик ҳуқуқи муҳофазаси ва ҳимояси билан боғлиқ халқаро ва миллий нормалар ҳамда уларнинг моҳияти қиёсий-ҳуқуқий таҳлил қилинган. Шунингдек, Бутунжаҳон интеллектуал мулк ташкилоти “интернет шартномалари”нинг аҳамияти ва ҳуқуқий муҳофаза жараёнида тутган ўрни ҳақида сўз юритилган. Бундан ташқари телекоммуникация тармоқларидаги қонуности ҳужжатларида асарлар ва турдош ҳуқуқлар объектларидан фойдаланиш билан боғлиқ жараёнларда муаллифлик ҳуқуқи нормаларини тўлақонли қўллаш билан боғлиқ жиҳатлар танқидий таҳлил қилинган ҳамда тегишли қонунчиликни такомиллаштириш билан боғлиқ масалалар ва келгусидаги ҳуқуқий оқибатлар бўйича илмий-назарий хулосалар илгари сурилган.
Таянч сўзлар: муаллифлик ҳуқуқи, техник чора-тадбирлар, БИМТ, “интернет шартномалар”, телекоммуникация тармоғи, алоқа, ахборот тизими.