Британия ЕИ билан йирик савдо битимини имзолашга яқин турибди
Буюк Британия Бош вазири Кир Стармер яқин орада Европа Иттифоқи билан йирик савдо битими имзолашни режалаштирмоқда. Мазкур келишув Қироллик қурол компанияларига Европа иттифоқчиларига миллиардлаб фунт стерлинглик маҳсулот сотиш имконини беради. Бу ҳақда “Times” газетаси ёзган.
Ҳукуматнинг амалдаги раҳбари ЕИ билан янги муносабат ўрнатиш ниятини бир неча бор билдирган. Хусусан, 2024 йил июль ойида ҳокимиятга келган Лейбористлар партияси ўз сайлов олди манифестида кўҳна қитъа уюшмаси билан хавфсизлик шартномаси тузиш, Франция, Германия ва Бирлашган экспедиция кучлари (JEF)даги ҳамкорлар билан мудофаа соҳасида шерикликни кучайтириш режасини эълон қилганди.