Ўзбекистон Республикаси Президенти ҳузуридаги Ижтимоий ҳимоя миллий агентлиги ҳамда унинг ҳудудий тузилмалари учун UNICEF билан ҳамкорликда болаларни жазодан четлаштириш, қамоққа олишга муқобил усуллар ва тикловчи одил судлов мавзуларига бағишланган семинар бўлиб ўтди.

Семинарда ИҲМА директорининг ўринбосари С.Абдуллаев, вилоят ва туман тузилмалари ходимлари, Ижтимоий ҳимоя тизими ходимларининг малакасини ошириш маркази, Ижтимоий инспекция, шунингдек, UNICEF вакиллари ва халқаро экспертлар иштирок этди.

Семинар давомида Ренате Винтер (БМТ Бола ҳуқуқлари бўйича қўмитасининг собиқ раиси) ва профессор Иво Аерцен (“Leyden” университети) ўз тақдимотлари орқали халқаро ва ўз тажрибаларини тақдим этди.  

Семинарда қонун билан зиддиятда бўлган болалар билан ишлашда ижтимоий хизматларнинг роли, озодликдан маҳрум қилишга муқобил ёндашувлар ва тикловчи одил судловнинг аҳамияти муҳокама қилинди.

Муҳайё Тошқораева, ЎзА