Жорий йилнинг 5 апрель куни Қозоғистоннинг Остона шаҳрида профессионал бокс бўйича навбатдаги баҳслар бўлиб ўтади.

Мазкур бокс оқшоми ташкилотчиси “Top Rank” промоутерлик компанияси рингга кўтариладиган барча боксчилар рўйхатини эълон қилди.

Икки карра жаҳон ва икки бор Олимпия ўйинлари ғолиби, ҳамюртимиз Баҳодир Жалолов украиналик Игорь Шевадзуцкий билан, маҳоратли боксчимиз Отабек Холматов филиппинлик Жейсон Кано Манигосга қарши жанг олиб боради.

Бокс оқшомининг марказий жангида ўрта вазнда WBO ва IBF чемпионлик камари учун қозоғистонлик Жанибек Алимханули франциялик Анауэль Нгамиссенге билан рўбарў келади.

Эслатиб ўтамиз, Б.Жалолов бугунгача профессионал боксда 14 жанг ўтказиб, барчасида ғалабага эришган бўлса, унинг рақиби Шевадзуцкий 14 жангда рингга қатнашиб, 12 тасида ғалаба, 2 тасида мағлубият қайд этган.

Т.Рўзиев,

ЎзА