Қорақалпоғистон Республикаси Адлия вазирлигининг Ҳуқуқий ахборот, Инсон ҳуқуқларини ҳимоя қилиш, Ҳуқуқни қўллаш амалиётини ўрганиш ва методик таъминлаш, Давлат хизматлари марказлари ва ФҲДЁ органлари фаолиятини мувофиқлаштириш  шўъбалари, Ички ишлар вазирлиги ва “Мадад” нодавлат нотижорат ташкилоти томонидан “Аёлларга ҳуқуқий ёрдам” акцияси ташкил этилди.

Тадбирда мамлакатимизда хотин-қизларнинг ҳуқуқ ва эркинликларини таъминлашга қаратилган қонунчилик ҳужжатлари, оилада эрта никоҳ, яқин қариндошлар ўртасидаги никоҳ ва ажримларнинг, жиноятчилик йўлига кириб кетишни олдини олиш, шу жумладан, интернет тармоқларидаги кибержиноят қурбонига айланмаслигини таъминлашга қаратилган тарғибот ишлари ҳақида сўз борди. Бундан ташқари, акция давомида фуқаролардан ҳуқуқий муаммолар билан боғлиқ 31 та мурожаат келиб тушиб, шундан 26 та мурожаатга жойида тушунтириш берилди ва 5 та мурожаат ўрганиш учун назоратга олинди.

Довуд Абибуллаев, ЎзА мухбири.