Ўзбекистон ёшларини ҳар томонлама етук ва баркамол, интеллектуал салоҳиятли, ислоҳотларга бефарқ бўлмаган, мақсадга интилувчан, ватанпарвар, комил шахслар сифатида тарбиялаш давлатимиз раҳбари эътиборидаги долзарб масалалардан.

Наманган шаҳридаги Президент мактабининг 11-синф ўқувчиси Муҳаммаддиёр Олимжонов бутун Ўзбекистон ёшлари учун янги йўл очди. У АҚШнинг “Williams College” олийгоҳига 100 фоизлик (282 минг АҚШ доллари) грант асосида ўқишга қабул қилинди.

Алоҳида қайд этиш лозимки, бу Муҳаммаддиёрнинг иккинчи шундай гранти.  

“Williams” университети – илмий ва академик ютуқлари билан машҳур бўлиб, энг илғор таълим тизимига эга муассасалардан бири саналади. Олийгоҳ U.S. News & World Report нашри рейтингларига кўра, энг яхши қийматга эга олийгоҳлар ичида 1-ўрин, энг яхши бакалавр таълими бўйича 7-ўрин, илмий тадқиқотлар ва ижодий лойиҳалар бўйича 18-ўрин, энг инновацион олийгоҳлар қаторида 33-ўринда қайд этилган.

"Мен орзу қилишдан ва орзуларим ҳақида кимгадур тўлқинланиб сўзлаб беришдан тортинмайман", дейди қаҳрамонимиз.  

Қуйидаги видеоҳавола орқали Муҳаммаддиёрнинг келгусидаги режалари, орзулари ҳақида танишишингиз мумкин.

<iframe width="640" height="420" src="https://www.youtube.com/embed/qBwuxQcpZzM" title="AQSHning eng nufuzli universitetiga yuz foizlik grantni qoʻlga kiritgan Muhammaddiyor" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Тошқораева, ЎзА мухбири