“The New York Post” нашрининг ёзишича, АҚШ иммиграция ва божхона органлари ходимлари 2025 йилнинг январь ойидан бери терроризмда гумон қилинганларни ўтган йилнинг шу даврига нисбатан 655 фоизга кўпроқ ҳибсга олди.

20 январь куни президент Дональд Трамп инаугурациясидан буён иммиграция ва божхона ходимлари террорчилиги маълум ёки гумон қилинаётган 219 кишини қўлга олди. Бу ўтган йилнинг шу даврига нисбатан 655 фоизга кўпдир. Собиқ президент Жо Байден даврида шундай ҳибсга олишлар сони 29 тани ташкил этган, дейилади расмийлар хабарида.

Аввалроқ, АҚШ Олий суди ноқонуний муҳожирларни депортация қилишни тўхтатишни буюрган қуйи суд қарорини бекор қилганди.

Эндиликда Америка расмийлари ноқонуний муҳожирларни топиш ва чиқариб юбориш учун максимал ваколатга эга, дейилади хабарда.

С.Раҳимов, ЎзА