АҚШ Сенати 11 ноябрь куни давлат ишининг тўхтаб қолишига сабаб бўлган бюджет инқирозини тугатишга қаратилган қонун лойиҳасини маъқуллади. Энди ҳужжат Вакиллар палатаси томонидан кўриб чиқилади.

CNN хабарига кўра, ҳужжатни 60 сенатор қўллаб-қувватлади, 40 нафари қарши чиқди. Келишувга мувофиқ, федерал хизматчилар ишга қайтарилади ва уларнинг тўланмай қолган маошлари қопланади.  

Шатдаун АҚШда 41 кун давом этди — бу мамлакат тарихидаги энг узун тўхталиш бўлди. Муаммо республикачилар ва демократлар ўртасидаги бюджет масаласидаги келишмовчиликлар туфайли юзага келган.  

Бу даврда тахминан 750 минг федерал хизматчи маош олмасдан мажбурий таътилга чиқарилган, фақат зарур хизматлар — полиция, чегарачилар, тез ёрдам ва авиация назорати ишлашда давом этган.   

Хўш “шатдаун” нима?   

“Шатдаун” бу АҚШда федерал бюджет вақтида тасдиқланмаганда давлат идоралари фаолиятининг вақтинча тўхтаб қолишидир. Яъни, Конгресс бюджетни тасдиқламаса, давлат хизматчилари вақтинча ишга чиқмайди ёки маош ололмайди.  

АҚШ тарихида Шатдаун 5 маротаба содир бўлган. Қизиқ томони эса уларнинг энг узоқ муддатли ҳар иккитаси Президент Доналд Трамп даврига тўғри келади. Маълумот учун Трампнинг 1 чи Президентлик давридаги шатдаун 35 кун давом этган эди.   

<iframe width="482" height="857" src="https://www.youtube.com/embed/wxd7q6-nEeo" title="AQShda rekord darajadagi “shatdaun” yakunlanishi mumkin" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Нозимбек Мардонов, ЎзА