Маълумотларга кўра, жинсий дахлсизликка қарши жиноятларни фақатгина педофиллик бузилиши бўлган инсонлар содир этмайди.

Болалар номусига тегиш билан боғлиқ аксарият жиноятлар 80-90% уйда содир бўлади, зўравонлар эса акалар, ўгай оталар, оила дўстлари ва ҳатто ўз оталари ҳам бўлиши мумкин. Бу каби жиноятларнинг аксарияти вазиятга боғлиқ ҳолда рўй беради, яъни одамда болаларга нисбатан кучли майл бўлмайди, аммо энг қулай ва қўл остидаги ҳимоясиз қурбон сифатида "бола" танланар экан. Демак, фарзандларимиз ҳар томонлама ҳимояни ҳис қилиши жуда муҳим. Бизда ҳимоя бўйича ҳам муаммолар етарли...

Қанчалик кўп қораланмасин болаларга нисбатан зўравонликлар, хусусан, педофилия ҳамон содир бўлишда давом этмоқда. Дастурда педофилия учун қонунчиликда белгиланган жазо ва уни кучайтириш орқали болаларга нисбатан жинсий зўравонликни олдини олиш имкониятлари ҳақида адвокат Даврон Таджиев, оилавий шифокор Дилшод Турсунов ва Олий Мажлис депутати Дилбар Мамажонова муносабат билдиришди.

Ўзбекистон Миллий ахборот агентлиги томонидан тайёрланган ушбу суҳбатни тез орада сайтимизда кўришингиз мумкин. Бизни кузатишда давом этинг.

<iframe width="650" height="420" src="https://www.youtube.com/embed/OWY9_w3Q8fE" title="АНОНС: ПЕДОФИЛИЯ  ёхуд ҳимоясиз қолган болалар ҳуқуқи" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

М.Турдалиева, И.Исматов (видео), ЎзА