Бугун Олий Мажлис Қонунчилик палатасининг навбатдаги мажлисида бир қатор қонун лойиҳалари қизғин муҳокама қилинди.

Жумладан, болаларни ижтимоий ҳимоя қилиш тизимини такомиллаштиришга қаратилган қонун лойиҳасида акс этган таълим ташкилотида таълим-тарбия берувчи шахс томонидан болага нисбатан зўравонлик ҳолатлари содир этилгани учун маъмурий жавобгарлик белгилашга қаратилган норма баҳсларга, тортишувларга сабаб бўлди.  

Жумладан, “Миллий тикланиш” демократик партияси фракцияси раҳбари Алишер Қодиров таълим-тарбия бериш жараёнида болага нисбатан зўравонлик ҳолатлари содир этилгани учун педагогни бир йил давомида педагогик фаолиятдан четлатишга оид ушбу нормага мутлақ қаршилик билдирди.

Яна бир қатор депутатларнинг айнан ушбу норма юзасидан билдирган эътироз ва таклифларидан сўнг регламентга кўра, қўмита таклифи овозга қўйилди. Аммо ушбу модда етарлича овоз тўплай олмади. Шундан сўнг лойиҳа нормаларини қайта кўриб чиқиш мақсадида қонун лойиҳаси масъул қўмитага қайтарилди.

<iframe width="560" height="315" src="https://www.youtube.com/embed/ohKrbsej-oU?si=R6Br1XUB3MiAGGAh" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова,  

Анвар Аҳмедов (видеомонтаж),  

ЎзА