Сент-Луисдаги Вашингтон университетида инновацион технология яратилди – қон текшируви нафақат Альцгеймерни аниқлаш, балки касалликнинг жорий босқичини ҳам юқори аниқлик билан белгилаш имконини беради.
Тадқиқотда тасвирланган ташҳис тести асаб ҳужайрасида муҳим иш бажарадиган тау оқсили бўлаги – MTBR-243 пептид аралашувини аниқлашга асосланган. Шикастланган молекула Альцгеймернинг асосий хусусияти экани маълум. Олимлар илгари мия омурилик суюқлигидаги MTBR-243 даражаси ва касаллик ривожланиши ўртасидаги боғлиқликни аниқладилар. Янги ишланма ушбу пептиднинг қондаги концентрациясини ўлчаш имконини беради. Бу ташхис қўйишни сезиларли даражада соддалаштиради, эҳтимолий хавфни йўқотади, жараёндан фойдаланиш имкониятини оширади.
Хасталикнинг турли босқичларини бошидан кечираётган 163 нафар бемор иштирок этган синов кашфиётнинг юқори аниқлигини тасдиқлади. Қонда MTBR-243 аралашуви касаллик ривожланиши билан тезлашади. Натижада стандарт даража тахминан 200 баробар юқори бўлади. Ушбу маълумотни таҳлил қилиш орқали Альцгеймернинг босқичини 92 фоиз аниқликда белгилаш мумкин.
Бу янгилик ташхис жараёнини осонлаштириб, харажатни сезиларли даражада камайтиради. Шифокорларга касалликни дастлабки босқичлардаёқ самарали даво усулларини танлашга ёрдам беради.