Бангладешнинг Ситакунда шаҳрида контейнерлар сақланадиган омборда ёнғин чиқиши оқибатида 15 киши ҳалок бўлган, яна 170 киши жароҳат олган, деб хабар тарқатди Франс Пресс агентлиги маҳаллий полицияга таяниб.

Омбор директори Мужибур Раҳмоннинг таъкидлашича ёнғинга нима сабаб бўлгани маълум эмас. Унинг маълум қилишича, омборда 600 га яқин одам ишлайди.

"Ҳозирги пайтда 15 кишининг ҳалок бўлгани ва 170 кишининг жароҳат олгани маълум бўлди. Уларнинг камида 40 нафари ўт ўчирувчилар, 10 нафари полициячилар. Уч нафар ўт ўчирувчи ҳалок бўлган", — дея баёнот берди маҳаллий полиция бошлиғи Абул Калам Озод.

Хабарда айтилишича, айрим контейнерларда кимёвий моддалар сақланган.