Алишер Навоий номидаги Ўзбекистон миллий кутубхонасида Абдулла Орипов таваллудининг 84 йиллигига бағишланган хотира кечаси ҳамда “Дўстлик” ордени соҳиби, режиссёр, оператор, Саидботир Аҳмадхўжаевнинг шоир ижодидан тайёрланган “Адабиёт дарслари” ҳужжатли фильмининг тақдимоти бўлиб ўтди.

Тақдимот бошида фильм намойиш қилинди.

Ўзбекистон Қаҳрамони Иброҳим Ғофуров, Ўзбекистон халқ ёзувчиси Эркин Аъзам, шоир Турсун Али, “Олтин қалам”газетаси бош муҳаррири Назира-Ас-Салом ва шоирнинг оила аъзоларидан турмуш ўртоғи Ҳанифа Мустафоева, қизи шоира Орипова, синглиси Зулфия Орипова ва бошқа қадрдонлари, шогирдлари ва мухлислари тадбирда иштирок этди.

Иштирокчилар Абдулла Орипов ижоди ҳақидаги фикрларини изҳор қилиш билан бирга бундан 25 йил аввал Абдулла Ориповнинг ўзи ва шогирдлари билан бўлган ижодий учрашувнинг “Адабиёт дарслари” деб номланган ҳужжатли фильм қилинганлиги ва ушбу фильм ҳақидаги таъсуротларини ва мулоҳазаларини ҳам билдиришди.

Тадбирда Саидботир Аҳмадхўжаевнинг касбдошлари, таниқли режиссёрлар, операторлар ҳам иштирок этиб ўзларининг иш жараёнидаги хотираларини сўзлаб бердилар. Тадбир Ўзбекистонда хизмат кўрсатган артист Ҳожиакбар Ҳамидовнинг шоир шеърига басталаган “Кетмоқдаман” қўшиғи билан бошланди ва режиссёр Саидботир Аҳмадхўжаевга ва Миллий кутубхона архивига шоирнинг оила аъзолари томонидан совғалар топширилди.

<iframe width="650" height="420" src="https://www.youtube.com/embed/_uBwroW9qqA" title="“Adabiyot darslari” hujjatli filmining taqdimoti boʻlib oʻtdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

М.Турдалиева, У.Тўхтаев (видео), ЎзА