Қозоғистон Бош вазири Тошкентдан жўнаб кетди
Қозоғистон Республикаси Бош вазири Олжас Бектенов Ўзбекистонга ташрифини якунлади.
Қардош давлат ҳукумати раҳбари пойтахтимизда ўтаётган нуфузли анжуман – V Тошкент халқаро инвестиция форуми ялпи мажлисида иштирок этиб, нутқ сўзлади.
Шунингдек, Ўзбекистон ва Қозоғистон ўртасидаги дўстона алоқаларни янада ривожлантиришга қаратилган учрашув ва музокаралар ўтказди.
Юксак мартабали меҳмонни Тошкент-Ҳумо аэропортида Ўзбекистон Республикаси Бош вазири ўринбосари Очилбой Раматов ва бошқа расмийлар кузатиб қўйди.
ЎзА
