Инглиз тили ўқитувчилари энди С2 даражасини қийналмай қўлга киритади (+видео)
Ўзбекистонда 1500 нафардан зиёд инглиз тили ва бошқа фан ўқитувчилари узлуксиз касбий ривожланиш (CPD) дастурини халқаро стандарт асосида амалиётга жорий этмоқда. Хусусан, айни йўналишда Мактабгача ва мактаб таълими вазирлиги, “British Council” ҳамда Буюк Британиянинг “Norwich Institute for Language Education” (NILE) муассасаси ҳамкорлигида “Мактаб чемпионлари” лойиҳаси йўлга қўйилган. Мазкур дастур доирасида муаллимлар ўз мактабида замонавий услуб ва касбий ривожланиш механизмини ҳаётга татбиқ этмоқда.
Масалан, икки кунлик “Узлуксиз касбий ривожланиш фестивали” 218 мактабдан келган “мактаб чемпионлари” ва миллий консультантларни бир майдонга жамлади. Семинар-тренинг шаклида ўтган тадбир давомида иштирокчилар таълим даргоҳида СPD дастурини кенгайтириш, тажриба алмашиш ва ҳамкасбларни жараёнга жалб этишнинг самарали усулларини муҳокама қиляпти. Анжуман баҳонасида лойиҳанинг уч йиллик натижаси сарҳисоб қилиниб, эришилган ютуқлар эътироф этилмоқда.
2023 йил бошланган “Мактаб чемпионлари” ташаббуси доирасида шу кунгача 4500 дан зиёд тадбир ташкил этилди. Мутахассислар таъкидлашича, узлуксиз ўрганиш маданиятини шакллантириш ўқитувчини нафақат билим берувчи, балки ёшларни илҳомлантирувчи етакчига ҳам айлантиради. Натижада оддий ўқув маскани маҳоратли мутахассислар ҳамжамияти мавқеига кўтарилади.
Марказий Осиёда инглиз тилини ўрганишни жадаллаштириш (AELLCA) дастури доирасида ўтказилаётган тадбирташкилотчилари минтақада инклюзив ва замонавий таълим тизимини ривожлантириш мақсадини кўзлаган.
<iframe width="640" height="420" src="https://www.youtube.com/embed/_9RK84lzFIw" title="Ingliz tili o`qituvchilari endi S2 darajasiniqiynalmay qo`lga kiritadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>Мусулмон Зиё,
Дониёр Ёқубов (видео), ЎзА
