Саришталик, тозалик ва озодалик ўзимиздан, уйимиздан, маҳалла-кўйдан бошланади. Турли экологик тажовузлар хавфи ортиб бораётган бир пайтда ён-атрофни озода сақлаш, чиқиндиларни саралаш ва белгиланган жойларга ташлаш экология ва атмосфера мусаффолигини таъминлайди.

Давлатимиз раҳбарининг топшириғига кўра, 15 октябрдан бошлаб юртимиз бўйлаб тозалик ва озодалик ойлиги бошлаб юборилди. Ушбу ойлик давомида ташкилот ва идоралар, фуқаролар ҳудудлар ободлигига ҳисса қўшишмоқда.  

Мазкур жараёнда Ўзбекистон Экологик партияси ташкилотлари ва фаоллари ҳам ташаббускорлик кўрсатиб, фаол иштирок этмоқда.  

Ўзбекистон Экологик партияси Марказий Кенгаши раисининг Ахборот ва жамоатчилик билан ишлаш бўйича ўринбосари Исломжон Қўчқоров ойлик давомида партиянинг иштироки ва амалий ташаббуслари ҳақида батафсил гапириб берди.  

Раис ўринбосари қайд этганидек, партиянинг барча ташкилотлари томонидан шу пайтгача 100дан ортиқ тозалик акциялари, ҳашарлар ва плоггинглар ташкил этилди ва изчил давом эттирилмоқда. Маҳаллалар, мактаб ва мактабгача таълим муассасалари, кўчалар, аҳоли турар жойлари ҳудудларида тозалик ишлари амалга оширилмоқда.  

Шунингдек, аҳоли ўртасида тарғибот-тушунтириш ишлари олиб борилмоқда. Бу жараёнда партия вакиллари, волонтёрлар, ёш экофаоллар иштирок этаяпти. Бу каби саъй-ҳаракатлар атроф-муҳитни асраб-авайлаш, аҳоли ва ёшлар ўртасида экологик маданиятни юксалтиришга хизмат қилади.  

<iframe width="650" height="420" src="https://www.youtube.com/embed/mz2YOwbz4KE" title="Tozalik oyligida Ekopartiya qanday ishtirok etyapti? " frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳтарама Комилова, Улуғбек Тўхтаев (видео), ЎзА