Ўзбекистон Республикаси Президенти Шавкат Мирзиёевнинг таклифига биноан Финляндия Республикаси Президенти Александр Стубб мамлакатимизда бўлиб турибди.

Олий мартабали меҳмон 31 октябрь куни “Янги Ўзбекистон” боғига ташриф буюриб, Мустақиллик монументи пойига гулчамбар қўйди. 

Мамлакатимиз ўтмиши ва келажакка ишонч тимсоли бўлган ҳамда улуғ аждодларимизнинг ёрқин сиймосини жаҳонга намойиш этувчи мазкур монумент ҳамиша юртимиз аҳли ва хорижлик меҳмонлар эҳтиромида. 

Ушбу мажмуа ўз мавқеига кўра Мустақиллик рамзига айланган. 

Унда она Ватан, тинчликсевар ва меҳнаткаш халқ умидлари акс этади. 

Финляндия Республикаси Президенти Александр Стубб Мустақиллик монументини шарафлаб, эҳтиром кўрсатди. 

Йиғилганлар бунёд этилган буюк обида олдида рамзий бош эгди. 

Мустақиллик монументи пойига гул қўйиш маросимида Ўзбекистон Республикаси Бош вазири ўринбосари Жамшид Хўжаев ҳамда бошқа расмийлар иштирок этди. 

<iframe width="482" height="857" src="https://www.youtube.com/embed/7i8aphbLhok" title="Finlyandiya Prezidenti Mustaqillik monumenti poyiga gulchambar qo`ydi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Абдулазиз РУСТАМОВ,
Рустам НАЗАРМАТОВ (сурат), ЎзА