Хабарингиз бор, Россия Президенти Владимир Путин янги “Буревестник” ядровий қанотли ракетаcи “муваффақиятли синовдан ўтгани” ҳақида баёнот берди.

АҚШ етакчиси Дональд Трамп бу амалиётни “ўринсиз қадам” дея таърифлади ва Путинни ракета синаш ўрнига, урушни тугатишга чақирди.

– Путин ҳарбий ҳаракатни тўхтатиши керак, – деди у Осиё бўйлаб сафари чоғи берган интервьюсида. – Бир ҳафта давом этиши кўзланган уруш ҳамон давом этяпти. У ракетани синаш эмас, балки урушни тезроқ тугатишга эътибор бериши лозим.

Якшанба куни Путин РФ ўзига хос қанотли ракета синови ўтказгани ҳақида гапирди. Кремль бу воқеага “миллий хавфсизликни таъминлаш чораси”нинг бир қисми сифатида изоҳ берди.

“Буревестник” синови ва Россия ўтган ҳафта ўтказган ядровий машғулот кўпчилик томонидан Вашингтонга қаратилган навбатдаги белги сифатида баҳоланди. Бу Путиннинг АҚШ санкцияси ва босимига бўйин эгмаслигини билдирганидан кейинги амалий ишидир.

Трамп ракета синови ҳақидаги баёнот “ўринсизлиги”ни қайд этиб, АҚШ атом сув ости кемаси ўз қирғоғида сузиб юрганини Москва яхши билади, дея қўшимча қилди.

<iframe width="640" height="420" src="https://www.youtube.com/embed/I8AQgCuGOlU" title="Tramp Putinni urushni to‘xtatishga chaqirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов (видео), ЎзА