Ички ишлар вазирлиги Малака ошириш институтида 25 октябрь - Ички ишлар органлари ходимлари куни муносабати билан маънавий-маърифий тадбир ташкил этилди.

Тадбирда ички ишлар органларининг фахрийлари, профессор-ўқитувчилар, тингловчилар, хорижий меҳмонлар ҳамда институт раҳбарияти иштирок этди. Дастлаб иштирокчиларга байрам табриклари етказилиб, ҳуқуқ-тартибот соҳасида сидқидилдан хизмат қилаётган ходимларга миннатдорлик изҳор этилди. Шунингдек, тадбир давомида мамлакатимизда тинчлик ва хавфсизликни таъминлашда ички ишлар органлари ходимларининг ўрни, уларнинг юксак масъулият ва фидокорона меҳнати ҳақида сўз юритилди.

<iframe width="1326" height="746" src="https://www.youtube.com/embed/EeeWcNvorVQ" title="Ma’naviy-ma’rifiy tadbirda munosiblar taqdirlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Тадбирда кўп йиллик фидокорона меҳнати учун Ўзбекистон Республикаси Ички ишлар вазирлиги ва институт бошлиғининг буйруғи билан ходимларга навбатдаги унвон, кўкрак нишони, қўл соати, фахрий ёрлиқ, ташаккурнома ва қимматли совғалар тантанали тақдим этилди.  

Юртимизда тинчлик ва осойишталикни самарали таъминлаш соҳасида юқори натижага эришиш кўп жиҳатдан ички ишлар органлари ходимларининг доимий шайлиги ва касбий тайёргарлик даражасига, уларнинг инсон ҳуқуқ ва эркинликлари, давлат ва жамият манфаатлари ҳимояси йўлидаги фидойилиги ва жасоратига боғлиқ. Шундай экан уларни масъулиятли фаолиятларида омад тилаб қоламиз.

Муҳайё Турдалиева, Улуғбек Тўхтаев, ЎзА