Октябрь ойи бутун дунёда анъанавий равишда кўкрак бези саратонига қарши курашга бағишланади. Бу йил Ўзбекистонда у "Эрта аниқла — ҳаётни сақла" шиори остида ўтказилмоқда. Тошкент шаҳрида ўтказилган “Эрта аниқла – ҳаётни сақла” форуми нафақат тиббий жамоатчилик, балки бутун жамият учун катта аҳамиятга эга бўлди.

Форум Стратегик ислоҳотлар агентлиги, Соғлиқни сақлаш вазирлиги ва БМТнинг UNFPA жамғармаси томонидан Yandex Uzbekistan кўмагида ташкил этилган бўлиб, унда 500 дан ортиқ иштирокчи — етакчи шифокорлар, халқаро ташкилотлар вакиллари, хусусий сектор ва саратон билан курашаётган аёллар иштирок этишди.  

<iframe width="1326" height="746" src="https://www.youtube.com/embed/uM2egAE3wRU" title="Ayollar o‘rtasida onkologik kasalliklarni davolash choralari kuchaytiriladi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Форумда Ўзбекистон билан бир қаторда Россия, Туркия, Грузия каби давлатларнинг нуфузли онкология марказлари вакиллари ҳам қатнашиб, илғор тажрибалар билан ўртоқлашдилар. Бу эса мамлакат тиббий тизими учун янги имкониятлар ва ҳамкорлик йўналишларини очади десак муболаға бўлмайди.

Муҳайё Турдалиева, Улуғбек Тўхтаев, ЎзА