Пойтахтимиздаги Олимпия шаҳарчаси теннис кортларида Ўзбекистон теннис федерацияси ҳамда Халқаро теннис федерацияиси (ITF) ҳамкорлигида ташкил этилган “ITF W15” халқаро турнирнинг яккалик баҳсларида ярим финал учрашувлари ҳамда жуфтлик баҳсларининг финал ўйини бўлиб ўтди.

Яккалик баҳсларида Беларусь вакили Дарья Хомутянская литвалик Литма Владсонни 6:4, 4:6, 6:2 ҳисобида енгган бўлса, беларуслик Дарья Егoрова ва хитойлик Хи Лоу тўқнашуви 6:1, 6:4 ҳисобида якунланди. Шу тариқа, икки беларуслик теннисчи халқрао турнир финалида ўзаро рақобатлашадиган бўлди.  

Жуфтлик баҳсларида белоруслик Дарья Хомутянская ва Ксeния Ерш тандеми қозоғистонлик Асилжан Аристанбекова ва Ингкар Дуссембай дуэтини 6:3, 2:6, 10:8 ҳисоби билан мағлуб этди.

Жавоҳир Тошхўжаев, ЎзА