Бугун, 25 октябрь куни Грециянинг Родос шаҳрида ўтаётган аёллар ўртасидаги “29-Европа шахмат клублари кубоги” мусобақасининг сўнгги тур ўйинлари бўлиб ўтади.

Мазкур нуфузли мусобақада Ўзбекистон терма жамоаси аъзолари Асал Салимова, Гулруҳбегим Тоҳиржонова ва Маржона Маликова Сербиянинг “SK Zmaj” жамоаси сафида дона сурмоқда.

Ортда қолган 6 та тур ўйинлари натижасига кўра “SK Zmaj” жамоаси 2 та ғалаба, 2 та дуранг ва 2 та мағлубият қайд этди.

Турнир жадвалида жаҳон кубоги ғолиби Александра Горячкина, 2024 йилги Бутунжаҳон шахмат олимпиадаси ғолиби Дешмукх Дивья, 12-жаҳон чемпиони Александра Костенюк,  Европа чемпиони Алина Кашлинская, Германия чемпиони Элизабет Петцни таркибида жамлаган Польшанинг “Cercle d’échecs de Monte-Carlo “ жамоаси 12 очко билан етакчилик қилмоқда.

Бугун мукофот жамғармаси 14 минг евродан иборат нуфузли мусобақанинг сўнгги, 7-турида Асал Салимова, Гулруҳбегим Тоҳиржонова ва Маржона Маликова дона сураётган “SK Zmaj” жамоаси Грециянинг “Ippotis Rhodes chess club” билан куч синашади.

Т.Рўзиев, ЎзА