Кеча Владимир Путин Дональд Трампнинг Будапештдаги учрашув ҳақидаги сўзларига муносабат билдирди. Бу ҳақда Кремль сайтида хабар берилди.

–Бу баёнот билан танишман, – деган РФ раҳбари. – АҚШ Президенти учрашувни бекор қилиш ёки кўчириш ҳақида гапирган. Менимча, у кўпроқ кўчиришни назарда тутган. Музокара қаршилик кўрсатиш ёки тортишиш, айниқса урушдан кўра яхшироқ. Шунинг учун биз ҳар доим мулоқот давом этишини қўллаб-қувватлаб келганмиз ва ҳозир ҳам шу фикрдамиз. Ушбу масалага енгил қараш ва учрашувдан кутилаётган натижага эриша олмаслик ҳар икки томон учун хато бўларди. 

Будапешт саммити таклифи Америка томонидан киритилди. Аввалги келишувга кўра, давлат котиби Марко Рубио ва ташқи ишлар вазири Сергей Лавров учрашишлари керак. Путин Россияга қарши жорий этилган янги санкция ҳақида сўз юритаркан, жиддий хусусиятга эга мазкур қарор кутилмаган оқибатларга олиб келиши мумкинлигини тан олган. Шу билан бирга бу чекловлар Россия иқтисодиётига жиддий таъсир кўрсатмаслигини ҳам қўшимча қилган.

<iframe width="640" height="420" src="https://www.youtube.com/embed/OQtsxytyhEQ" title="Putin: Uchrashuv bekor qilinmadi, ko‘chirildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

– Бу Россияга босим ўтказишга уриниш, лекин ўзини ҳурмат қиладиган ҳеч бир мамлакат ёки халқ ҳеч қандай қарорни босим остида қабул қилмайди, – деган у. – Бу қадам эндигина тиклана бошлаган Россия – АҚШ муносабатига салбий таъсир қилади. Бундай ҳаракат ҳар икки томон учун фақат зарар келтиради.

Кенжа Бекжонов, Улуғбек Тўхтаев, ЎзА