Давлатимиз раҳбарининг фармонига асосан 2024 йилдан бошлаб бюджет маблағларини жамоатчилик иштирокида тақсимлашда мактаб ўқувчилари иштирокини назарда тутувчи– “Менинг мактабим” янги лойиҳаси йўлга қўйилди. Мақсад мактабларда ўқувчиларнинг таҳсил олишларига қулай шароит яратиш ва уларни жараёнларга фаол жалб этишдир.

Ҳозирда мазкур лойиҳа бўйича таклифлар йиғилмоқда ва бу борада қилинаётган ишлар, жараёнларнинг бориши ҳақида Иқтисодиёт ва молия вазирлиги бош мутахассиси Санжар Султонов билан суҳбатлашдик. 

- Ушбу лойиҳа аввалги “Ташаббусли бюджет”га ўхшашми? Мазкур лойиҳага ўзи зарурат бормиди?

- Ўзбекистон Ресупбликаси Президентининг 2024 йил 21 февралдаги ПФ-37-сон фармонига асосан “Менинг мактабим” лойиҳаси йўлга қўйилди. Унинг асосий моҳияти бюджет маблағларини тақсимлашда жамоатчилик фикрига таяниш. Яна битта механизми – бу ёшларнинг иштирокини таъминлаш. Бир томондан ёшларни қарор қабул қилишда, бюджет маблағларини тақсимлашда жамоатчилик назоратини шакллантирадиган бўлса, иккинчи томондан давлат мулкининг тасарруфига бўлган қадриятларни юксалтиришга ёрдам беради. 

“Менинг мактабим” лойиҳаси даставвал 2024 йилда эксперементал тарзда ҳар вилоятнинг бир туманида синов тарзида ўтказилди. Мазкур мақсадлар учун жами 30 млрд сўм маблағ йўналтирилган бўлса, 1380дан ортиқ лойиҳалар ғолиб деб топилди. 2025 йилдан бошлаб мазкур лойиҳа республикамизнинг барча туман-шаҳарларидаги умумтаълим мактабларида фаолияти йўлга қўйилган ҳамда мазкур мақсадлар учун 500 млрд сўмдан ортиқ маблағлар йўналтирилиши назарда тутилмоқда. 

<iframe width="650" height="420" src="https://www.youtube.com/embed/9jUcW_1Z7SM" title="“Mening maktabim” loyihasiga start berildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Санжар Тошпўлатов, Нишонбой Абдувойитов, ЎзА