“Ўзэнергоинспекция” ахборот хизматининг маълум қилишича, Самарқанд шаҳридаги “Б.Q.С.” МЧЖга қарашли 21 хонали кўп қаватли уй биносида лойиҳа ҳужжатлари расмийлаштирилмаган ҳолда тармоққа тўғридан-тўғри уланиб, табиий газдан ноқонуний фойдаланиб келинаётгани аниқланди.

Дастлабки ҳисоб-китобларга кўра, ушбу қоидабузарлик сабабли газ таъминоти корхонасига 3 миллиард 560 миллион сўмлик зарар етказилган. 

Ҳозирда ҳуқуқни муҳофаза қилиш органлари томонидан терговга қадар текширув ишлари олиб борилмоқда.

Н.Зиёдуллаева тайёрлади,

ЎзА