Футбол бўйича Осиё чемпионлар лигаси-2 мусобақасининг ғарбий минтақасида учинчи тур учрашувлари ўтказилди.

Биз учун аҳамиятлиси мазкур мусобақанинг “B” гуруҳида мамлакатимиз шарафини ҳимоя қилаётган “Андижон” ўз майдонида Баҳрайннинг "Ал Холдия" жамоаси билан нурсиз дурангга имзо чекди. Шунингдек, гуруҳдаги иккинчи ўйинда “Ал-Аҳли” ва “Аркадағ” жамоалари рақобатлашди ва баҳс 2:2 ҳисобида якунланди.

Шу тариқа, “B” гуруҳида "Ал Холдия" 5 очко билан пешқадамлигини сақлаб қолган бўлса, “Ал-Аҳли” ва  “Андижон”  3 очко билан 2-3 поғоналардан жой олди. “Аркадағ” клуби эса 2 очко билан сўнгги ўринда қолди.

Гуруҳ баҳсларининг 4-тури 5  ноябрь куни бўлиб ўтади. Унда "Ал Холдия" – “Андижон”, “Аркадағ” – “Ал-Аҳли”  жамоалари беллашувига гувоҳ бўламиз.  

Жавоҳир Тошхўжаев, ЎзА