Тилни севиш, уни ардоқлаш - миллатни севиш ва уни қардлаш билан тенгдир. Халқимизнинг неча асрлик бой тарихи, кўҳна ва серқирра маданияти ўзбек тили таъсирида шаклланган.

Бугунги кунда жаҳоннинг барча мамлакатларида ёшларимизнинг ютуқлари, спортчиларимизнинг ғалабалари шарафига ўзбек тилида мадҳиямиз куйланаётир.

Ўзбек тили давлат тили сифатида халқимизни бирлаштирадиган, жамиятимизни улуғ мақсадлар сари сафарбар этадиган қудратли куч. Она тили — миллат маънавиятининг мустаҳкам пойдеворидир. Улуғ маърифатпарвар бобомиз Абдулла Авлоний таъкидлаганидек "ҳар бир миллатнинг дунёда борлигини кўрсатадиган ойинаи ҳаёти – бу унинг миллий тили ва адабиётидир".

Бугунги лавҳамизда ўзбек тилида яратилган ўқув - қўлланмалар, улардаги сўз бойлиги, хорижликлар учун қулай методологик ёндашув билан яратилганлиги ва албатта бундай адабиётларимиз кўпайиши бизни дунёларга танитиши ҳақида сўзлашамиз.

<iframe width="640" height="420" src="https://www.youtube.com/embed/6P3hNnll1ME" title="Sulton Normamatov: O‘zbek tilidagi qo‘llanmalarni ko‘paytirishga talab katta..." frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Муҳайё Турдалиева, Анвархўжа Аҳмедов (видео), ЎзА