Баҳрайнда старт олган ёшлар ўртасидаги III Осиё ўйинларининг илк кунида Ўзбекистон делегацияси ҳисобига иккита олтин медаль қўшилди.

Аниқроқ айтадиган бўлсак, ўйинларнинг кураш дастурида иштирок этган Отабек Йўлдошбоев ҳамда Дурдона Турсунова ўз вазн тоифаларида барча рақибларини мағлубиятга учратиб, олтин медалга сазовор бўлди.

Эслатиб ўтамиз, мусобақада қитъамизнинг 45 мамлакатидан 8 минг нафардан ортиқ ёш спортчилар 24 та спорт тури бўйича беллашувларда иштирок этмоқда. III Осиё ўйинларининг очилиш маросими 22 октябрь куни ташкил этилади.  

Жавоҳир Тошхўжаев,

ЎзА