Пойтахтимиздаги Бўз-сув каналида слаломда эшкак эшиш бўйича U15 ва U18 ёш тоифасидаги спортчилар ўртасида Ўзбекистон кубоги ўтказилмоқда. Унда мамлакатимизнинг турли ҳудудларидан келган 100 нафарга яқин йигит ва қизлар ўзаро рақобатлашмоқда.

Кубок баҳсларининг U15 ёш тоифасидаги К1М йўналишида Анасхон Рустамжонов, K1W беллашувларида эса Севара Баҳритдинова ғалаба қозонди. C1М ва C1W пойгаларида Асилбек Эрназаров ҳамда Сабина Ашурматовага тенг келадигани топилмади. MX1 ва WX1 баҳсларида Асилбек Эрназаров ва Севара Баҳритдинова ўзларининг иккинчи олтин медалига эга чиқди.

U18 ёшдаги спортчилар ўртасида Мустафо Матибоев, Максим Очкас, Муҳаммаднозим Неъматиллаев шоҳсупанинг энг юқори поғонасидан жой олди.

Жавоҳир Тошхўжаев, ЎзА